13 მაისს, გვიან ღამით ლიონის რელიგიური ხელოვნების მუზეუმიდან ქალწულ მარიამის ტიარად წოდებული გვირგვინი მოიპარეს. გვირგვინი 1899 წელს არის შექმნილი , იგი ფურვიერის კოლექციის მარგალიტად არის აღიარებული.
გვირგვინი შემკულია ათას რვაასი თვალ- მარგალიტით, რომელიც იმდროინდელი ქალაქის უმდიდრესი ოჯახების მიერ იყო მირთმეული საჩუქრად.
ექსპონატი შეფასებულია მილიონ ევროდ .
მუზეუმის ხელმძღვანელობა აცხადებს, რომ შარშან გვირგვინის თითოეული თვალი კატალოგიზირებულ იქნა, რამაც შეიძლება ხელი შეუწყოს დაკარგული ძვირფასეულობის პოვნას
წაღებულია მუზეუმის კიდევ ორი ექსპონატი- იშვიათი ბეჭედი და თასი
ინციდენტის შემდეგ მუზეუმი დაიკეტა და მნახველებს ვერ მიიღებს გამოძიების დასრულებამდე.