ეროვნულ დემოკრატიული ინსტიტუტის მიერ ჩატარებული საზოგადოებრივი აზრის კვლევის პირველი ნაწილი გასაჯაროვდა. NDI-მ საქართვლოს მასშტაბით სულ 2 500 ადამიანი გამოკითხა. კვლევა აპრილში ჩატარდა.კვლევის მიხედვით, გამოკითხულთა 80% ევროკავშირში გაწევრიანების მომხრეა 12% კი არა.NDI-ს საქართველოს ოფისის დირექტორის განმარტებით, სტაბილურად მაღალია ევროატლანტიკური კურსის მხარდაჭერა საქარველოში, იმაზე მაღალი ვიდრე თავად ევროკავშირის ქვეყნებში. ევროკავშირში გაწევრიანების მოწინააღმდეგეებს სამი მთავარი არგუმენტი აქვთ, 43 %-ის აზრით რუსეთთან კონფლიქტის საფრთხე, 24%-ის იდენტობის საფრთხეზე საუბრობს, ხოლო 18%-ს მიაჩნია, რომ ეს არასდროს მოხდება. 63% მთავარ საფრთხედ რუსეთის სამხედრო აგრესიას ასახელებს .ეროვნულ დემოკრატიული ინსტიტუტის მიერ გამოქვეყნებულ კვლევაში უვიზო მომოსვლასთან დაკავშირებითაც არის საუბარი.კვლევის მიხედვით, გამოკითხულთაგან დიდი უმრავლესობა, 92% ინფორმირებულია ევროკავშირის ქვეყნებთან უვიზო მიმოსვლის შესახებ. თუმცა ეს მაჩვენებელი დაბლია უმცირესობათა დასახლებაში – 64%.
უმრავლესობის – 78%-ის აზრით, უვიზო მიმოსვლის მიუხედავად მოსახლეობის უმეტესობა ფინანსურად ვერ გაწვდება ევროპაში მოგზაურობას.64% ასევე ამბობს, რომ უვიზო მიმოსვლის წესებისა და პროცედურების შესახებ საკმარისი ინფორმაცია აქვს.მიუხედავად ამისა, 67% მიიჩნევს, რომ მოსახლეობის დიდი ნაწილი ემიგრაციაში წავა. გამოკითხვა სრულად ორშაბათს გამოქვეყნდება. ამ დროს ცნობილი გახდება საქართველოს მოსახლეობის დამოკიდებულება პოლიტიკური ლიდერებისა და პარტიების მიმართ.