ამ დრომდე არ სახელდება ქართველი ოფიცრის სახელი, რომელიც გუშინ უკრაინის ეროვნული გვარდიის წევრის დავით მაყიშვილის მიერ სოციალურ ქსელში გავრცელებული ინფორმაციით უკრაინაში მიმდინარე ბრძოლებში დაიღუპა.
„კიდევ ერთი ღირსეული ქართველი ოფიცერი დავკარგეთ დღეს უკრაინაში, რუს ოკუპანტებთან ბრძოლაში“ – წერს მაყიშვილი, თუმცა დაღუპულის ვინაობას, მისი ოჯახის წევრების საქმის კურსში ჩაყენებამდე, არ ასახელებს. მისი თქმით, დაღუპული მებრძოლი არ ყოფილა არც „ქართული ბატალიონის“, არც „აზოვის“ რიგებიდან
საქართველოს თავდაცვის სამინისტროში ადასტუებენ, რომ მებრძოლი საკუთარი ინიციატივით, მოხალისედ იყო წასული უკრაინაში – მას წლების წინ გავლილი აქვს სამხედრო სამსახური, თუმცა ის ახლა საქართველოს შეიარაღებულ ძალებში აღარ ირიცხებოდა.
”თადარიგის ოფიცერი ნიშნავს, რომ ის გარკვეული წლების წინ მსახურობდა შეიარაღებულ ძალებში, მაგრამ ამ დროისთვის საკუთარი ინიციატივით, როგორც მოხალისე ისეა წასული. წლების წინ მას გავლილი აქვს სამხედრო სამსახური. ახლა აღარ ირიცხება შეიარაღებულ ძალებში”, – განმარტეს თავდაცვის სამინისტროში.
უწყებას დაღუპული პირი იდენტიფიცირებული ყავს, თუმცა გარკვეულ დრომდე მისი ვინაობის გასაჯაროებისგან თავს იკავებს.