ევროპული საქართველოს თავმჯდომარის, დავით ბაქრაძის თქმით, მომდევნო ყრილობაზე არ დააყენებს კანდიდატურას პარტიის თავმჯდომარის თანამდებობაზე. მისი თქმით, გადაწყვეტილება განახლების სურვილისა და პასუხისმგელობის გამო მიიღო. მისივე თქმით, სანამ ყრილობა ჩატარდება პარტიაში რჩება.
ამავდროულად, ბაქრაძე ამბობს, რომ მსგავსი გადაწყვეტილება ყველამ ლიდერს უნდა მიეღო.
“ასევე გეტყვით, უფრო ზოგად კონტექსტს. მე მიმაჩნია და ღრმად მწამს, რომ განახლება არ ეხება და არ უნდა ეხებოდეს ლიდერების მხოლოდ ნაწილს და მიმაჩნია, რომ განახლების ყველა ლიდერი და ამ შემთხვევაში სამ ლიდერზეა საუბარი, პასუხისმგებლობის სწორი სიგნალი არის მაშინ, როდესაც ხდება ყველა ლიდერის მხრიდან პასუხისმგებლობის მიღება”, — განაცხადა მან.
,,განსხვავებული აზრი აქვს გიგა ბოკერიას. თვითონაც გეტყვით ამას. ჩემი და გიგი უგულავას პოზიცია არის, რომ გუნდმა მთლიანად უნდა აიღოს პასუხისმგებლობა და უნდა მოხდეს მთლიანად ახალი სახეებისთვის პოლიტიკური ასპარეზის დათმობა და განახლება, გიგას პოზიცია ამ შემთხვევაში გახლავთ ის, რომ მას ეს გადაწყვეტილება ჯერჯერობით მიღებული არ აქვს”
ჟურნალისტების კითხვაზე, რას გეგმავს ევროპული საქართველოს ლიდერის პოზიციიდან წასვლის შემდეგ, დავით ბაქრაძე ამბობს , რომ დიდი ხანია დაწყებული აქვს დისერტაცია, ასევე, აქვს შემოთავაზებები სხვადასხვა უნივერსიტეტიდან.
“მე ვრჩები პოლიტიკაში, მე ვრჩები ოპოზიციურ ფლანგზე, მაგრამ პარტიული პოლიტიკიდან ვიღებ პაუზას. რას გავაკეთებ ამ პაუზის დროს? არ ვიცი. დიდი ხანია სახლში დაწყებული დისერტაცია მაქვს, შეიძლება დავასრულო. მაქვს მოწვევები სხვადასხვა უნივერსიტეტიდან ლექციის წაკითხვაზე. ბევრი სხვადასხვა შესაძლებლობაა. ამაზე ჯერ საუბარი ნაადრევია, მაგრამ ვიმეორებ, ეს არ არის პოლიტიკიდან წასვლა, მე ოპოზციურ ფლანგზე დავრჩები და მონაწილეობას მივიღებ ყველა იმ პროცესში, რაც აუცილებელია ამ ქვეყანაში წინსვლითვის”, — თქვა ბაქრაძემ პარტიაში გამართული შეხვედრის შემდეგ