გორში, სავარაუდოდ, ბუნებრივი აირის გაჟონვის შედეგად ერთი ადამიანი გარდაიცვალა. ინფორმაციას შინაგან საქმეთა სამინისტროში ადასტურებენ. ადგილზე უკვე მუშაობენ ექსპერტ-კრიმინალისტები.
უწყებაში ამბობენ, რომ გამოძიება სისხლის სამართლის კოდექსის 240 პრიმა მუხლის მე-2 ნაწილით დაიწყო, რაც ელექტრო ან თბოენერგიის, გაზის, ნავთობის ან ნავთობპროდუქტების ობიექტზე უსაფრთხოების წესების დარღვევას გულისხმობს, რასაც ადამიანის სიცოცხლის მოსპობა მოჰყვა.