დღევანდელი ხელისუფლება, რომელიც ომის დაწყებაში მიხეილ სააკაშვილს და ქართულ არმიას ადანაშაულებდა, თავისი ოპუსების გაცამტვერებას ზეიმობს.

საქართველოს პრემიერმინისტრის, გიორგი გახარია სტრასბურგის სასამართლოს მიერ, რუსეთ საქართველოს 2008 წლის ომზე საქართველოს სასარგებლოდ მიღებულ გადაწყევტილებას ეხმაურება და ამბობს, რომ ეს საერთო გამარჯვებაა.”დღეს საქართველოს უახლეს ისტორიაში უმნიშვნელოვანესი დღეა! დავა – საქართველო რუსეთის წინააღმდეგ, ადამიანის უფლებების ევროპულ სასამართლოში საქართველოს გამარჯვებით დასრულდა!ეს საერთო გამარჯვებაა!” – წერს გიორგი გახარია. 

სტრასბურგის გამარჯვებას გამოეხმაურა საქართველოს პრეზიდენტი სალომე ზურაბიშვილი, რომელმაც აღნიშნა, რომ ეს ისტორიული დღეა. მისი თქმით, სასაამრთლომ ჩვენი სახელმწიფო ამ ომში მსხვერპლად აღიარა, რაც დიდი მიღწევაა ქვეყნისთვის.”დღეს არის ძალიან სიმბოლური დღე, რომელსაც ბრიუსელში ვხვდები, სადაც ძალიან მაღალი დონის შეხვედრები ტარდება. ძალიან მნიშვნელოვანია, რომ დღეს სწორედ სტრასბურგმა მიიღო ეს ისტორიული გადაწყვეტილება. ისტორიულია და შემთხვევითი არაფერია.

,,ეს ხდება ჩვენი ოკუპაციიდან 100 წლის შემდეგ, 30 წლის მერე რაც აღვადგინეთ დამოუკიდებლობა და 2008 წლის ომის შემდეგ 12 წელი გავიდა. ეს ძალიან მნიშვნელოვანია, რადგან პირველად ისოტრიაში და პირველად სხვა ქვეყნების ისტორიაშიც ხდება ის, რომ საქართველო სამართლებრივად არის გამართლებული, სახლემწიფო არის აღიარებული როგორც ამ ომის მსხვერპლი და ეს არის ძალიან დიდი მიღწევა ჩვენი ქვეყნისთვის, ჩვენი საზოგადოებისთვის, ჩვენი ისტორიისთვის და ჩვენი მომავლისთვის, იმიტომ რომ ეს არის ის საყრდენი, რაზეც ახლა უნდა ავაშენოთ ჩვენი მომავალი და ჩვენი გაერთიანება”, – ამბობს სალომე ზურაბიშვილი. 

პრეზიდენტმა ამ გადაწყვეტილების გამო მადლობა გადაუხადა იუსტიციის ყოფილ მინისტრს, თეა წულუკიანს და სამინისტროს. 

“მე მინდა კერძოდ დიდი მადლობა ვურთხრა იუსტიციის სამინისტროს და თეა წულუკიანს, რემეთუ ამ გამარჯვების ძალიან დიდი წვლილი მათ ეკუთვნით. კიდევ ერთხელ ვიტყვი, რომ ეს არის მთელი საქართველოს გამარჯვება, მაგრამ უნდა ვიცოდეთ მადლობის თქმა”, – ამბობს სალომე ზურაბიშვილი.