მთავრობის ოპონენტები ვაშინგტონ პოსტის გამოქვეყნებულ სტატიას ბიძინა ივანიშვილის შესახებ სრულად ეთანხმებიან და მიაჩნიათ, რომ ივანიშვილს ქვეყნის “კულუარული მმართველის” პოსტი არ დაუტოვებია.
“ფაქტია, რომ ვაშინგტონში არ სჯერათ იმისი, რომ ბიძინა ივანიშვილი სადმე წავიდა და კარგად ესმით, რომ ის რჩება კულუარულ მმართველად, უფრო მეტად დისტანციურ, უფრო მეტად არაფორმალურ მმართველად, რაც დემოკრატიისთვის ძალიან დიდი საფრთხეა”, – ამბობს ანზორ ბიწაძე, “ერთიანი საქართველოს” წარმომადგენელი.
“ოცნებაში” მიიჩნევენ, რომ ვაშინგტონ პოსტის მიერ გამოქვეყნებული კრიტიკული სტატია, სადაც ბიძინა ივანიშვილს “ტრამპის ელფერის” მქონდე ოლიგარქს უწოდებენ გამომცემლობის პოლიტიკური პოზიციიდანაა დაწერილი და გავლენიანი ამერიკული გამოცემა პოლიტიკურად მიკერძოებულია. სტატიას “მოყირჭებული თემას” უწოდებს გია ვოლსკი, “ოცნების” პარლამენტის თავჯდომარის პირველი მოადგილე.
“მოყირჭებული თემაა უკვე. პოლიტიკური პოზიცია გააჩნია მედია საშუალებებს – ვაშინგტონ პოსტს, ნიუ იორკ თაიმსს, სხვადასხვა ევროპულ თუ ამერიკულ გამოცემებს და თავისი პოლიტიკური პოზიციიდან, პოლიტიკური პლატფორმიდან აკეთებენ განცხადებებს და სტატიებსაც ხშირ შემთხვევაში” – ამბობს იგი.
შეგახსენებთ, რომ სტატია სათაურით “ოლიგარქი ტრამპის ელფერით, ამბობს რომ პოლიტიკიდან მიდის, ბევრს მისი არ სჯერა” The Washington Post – მა გუშინ გამოაქვეყნა.