13 სექტემბერს უკრაინის პრეზიდენტის პოროშენკოს პეტიციების საიტზე დაიდო ელექტრონული პეტიცია, რომლის ავტორები მოითხოვენ განხილულ იქნას ოდესის გუბერნატორის პოსტიდან მიხეილ სააკაშვილის გადაყენების საკითხი.
,,სააკაშვილმა, ამ პოსტზე დანიშვნიდან განვლილი სამი თვის მანძილზე არსებითად ვერაფერი შეცვალა რეგიონში, მიუხედავად იმისა, რომ ხელთა აქვს ყველა ბერკეტი და პრეზიდენტის ადმინისტრაციის უპრეცედენტო მხარდაჭერა ოდესაში რეფორმების გატარებისთვის. მისგან გვესმის მხოლოდ პროვოკაციული განცხადებები და ხმაურიანი ინტერვიუები. ჩვენ გვჭირდება მენეჯერი და არა შოუმენი, პოპულისტი – ნათქვამია პეტიციაში.
მიუხედავად იმისა, რომ პეტიცია ორი დღეა ღიაა ხელმოწერებისათვის, მის ავტორებს მხოლოდ სამი მოქალაქე შეუერთდა – იუწყება უკრაინული მედია.