5 ადამიანი დაშავდა ფოთში, გუშინ საღამოს მომხდარი სამგზავრო მატარებლისა და თბომავალის შეჯახების შედეგად. შემთხვევა იმ დროს მოხდა, როდესაც ფოთი – თბილისის სამგზავრო მატარებელში მგზავრები სხდებოდნენ. სამგზავრო მატარებლი და თბომავალიც ერთ სარკინიგზო ხაზზე აღმოჩნდა.
ხუთივე დაშავებული ფოთის საავადმყოფოში გადაიყვანეს სხეულის მსუბუქი დაზიანებით და მალევე გაწერეს.
"საქართველოს რკინიგზის'' მიერ მომხდართან დაკავშირებით გავრცელებულ განცხადებაში ნათქვამია, რომ სამგზავრო მატარებელი კერძო კომპანიის კუთვნილმა თბომავალმა დააზიანა. შემთხვევა კომპანიის წარმომადგენლების მიერ მოძრაობის წესების დარღვევას მოჰყვა .