ხაიშში საპროტესტო აქცია მიმდინარეობს. ადგილზე სამართალდამცავები არიან მობილიზებული. შეკრებილები დილიდან ცდილობდნენ გზის გადაკეტვას, რასაც სამართალდამცველთა და შეკრებილთა შორის სიტყვიერი დაპირისპირება მოჰყვა. მიუხედავად პოლიციის წინააღმდეგობისა, აქციის მონაწილეებმა ბოლოს მაინც შეძლეს ზუგდიდი მესტიის დამაკავშირებელი გზის ჩახერგვა, რის გამოც მოძრაობა შეფერხებულია.
აქციის მონაწილეები – ჭუბერის, ნაკრას, ხაიშის მცხოვრებლები ხელისუფლებისაგან მოითხოვენ დაუყოვნებელ ახსნა – განმარტებას მედიაში გავრცელებულ არაოფიციალურ ინფორმაციასთან დაკავშირებით, რომლის თანახმად, ხუდონჰესის მშენებლობა უახლოეს მომავალში უნდა განახლდეს. ისინი აცხადებენ, რომ არ დაუშვებენ მშენებლობის გაგრძელებას მათთვის სანდო სპეციალისტების დასკვნების გარეშე, რადგანაც არსებული პროექტი დატბორვით ემუქრება მათ სოფლებს.
როგორც შეკრებილები აცხადებენ, აქცია გამაფრთხილებელია და საჭიროების შემთხვევაში პერმამენტულხასიათსმიიღებს.
მოსახლეობა ხუდონჰესის მშენებლობის განახლების წინააღმდეგ მიმართული პროტესტის პარალელურად ახმოვანებს სხვა პრობლემებსაც –კერძოდ, მათი მოთხოვნაა აღუდგეთ ხე-ტყისჭრისუფლება ადრინდელი წესით, რასაც მათთვის საარსებო მნიშვნელობა აქვს, რამდენადაც მისი რეალიზაცია მათთვის ერთადერთი შემოსავლის წყაროა.