სვანეთის მოსახლეობა სხვადასხვა სოციალურ საკითხებთან დაკავშირებით აქციას მართავს. ამ წუთებში პარალიზებულია ზუგდიდი-სვანეთის ცენტრალური გზა. ადგილობრვები ხუდონჰესის მშენებლობას აპროტესტებენ და ამბობენ, რომ არსებობს ხელისუფლებასა და კერძო კომპანიას შორის შეთანხმება, რომლის საფუძველზეც სულ მალე დაიწყება ჰესის მშენებლობა. ადგილობრივებისთვის გაურკვეველია რა სარგებელს მოუტანს ჰესი სვანეთის მოსახლეობას, როგორი იქნება დენის ტარიფი და იქნება თუ არა უსაფრთხო. ასევე ადგილობრივების მოთხოვნაა სვანეთში შიდა გზების მოწესრიგება, ინფრასტრუქტურული სამუშაოების მოწყობა და ხე-ტყის დამმუშავებაზე ნებართვის გაცემა.