სოფელ ცაცხვის საბაზისო სკოლის მოსწავლეები და მშობლები მე-5 მე-6 კლასების დამატებას ითხოვენ. ამ მოთხოვნით დღეს სკოლის წინ აქცია გაიმართა და სასწავლო პროცესი ჩაიშალა. სკოლის დირექტორი მამუკა დაგარგულია ამბობს, რომ პრობლემა მოუგვარებელი დარჩა, იმიტომ რომ ბიუჯეტში შესაბამისი თანხები ვერ მოიძებნა. საბაზისო სკოლის მოსწავლეთა მშობლები პასუხს ამ დრომდე ელოდებიან, ისინი აცხადებენ, რომ თუ მათი მოთხოვნა არ დაკმაყოფილდა, სკოლაში სასწავლო პროცესის აღდგენას ხელს შეუშლიან.