სომხეთში 11 ნოემბრის აქციაზე დაკავებულები პოლიციამ ხელწერილის საფუძველზე გაათავისუფლა.
მათ შორისაა საქართველოს მოქალაქე, მოძრაობა ”ჯავახკის” ლიდერი ვაჰაგნ ჩახალიანიც.
გამოძიების დასრულებამდე, ჩახალიანს ქვეყნის დატოვება ეკრძალა.
ერევანში მიმდინარე საპროტესტო გამოსვლების დროს პოლიციამ ოპოზიციის 20-მდე ლიდერი დააკავა. ისინი ნიკოლ ფაშინიანის მიერ ყარაბაღში ცეცხლის შეწყვეტის გადაწყვეტილების ხელმოწერას აპროტესტებდნენ და მის გადადგომას მოითხოვდნენ. ასევე, მონაწილეობდნენ პარლამენტის შენობის შტურმშიც.
შეგახსენებთ, რამდენიმე კვირის წინ გავრცელდა ინფორმაცია ყარაბაღის ომში ჩახალიანის დაღუპვის შესახებაც, რაც არ დადასტურდა, შემდეგ კი იგი გამოჩნდა ბოლო დღეებში სომხეთის დედაქალაქში გამართულ საპროტესტო გამოსვლებში, სადაც პრემიერ-მინისტრის, ნიკოლ ფაშინიანის გადადგომას ითხოვენ. იგი მონაწილეობდა პარლამენტის შენობის შტურმშიც, რა დროსაც სიტყვითაც გამოვიდაამას მისი დაკავება მოყვა.
.