საქართველოს პრეზიდენტმა გიორგი მარგველაშვილმა ხელი მოაწერა ეროვნული ბანკის შესახებ კანონპროექტს მას შემდეგ, რაც პარლამენტმა 3 სექტემბრის სესიაზე დაძლია მის მიერ ამ კანონპროექტზე დადებული ვეტო.
პრეზიდენტის ადმინისტრაციის უფროსის დავით პატარაიას თქმით, "საქართველოს პრეზიდენტი დღესაც არ ეთანხმება ეროვნული ბანკის თაობაზე მიღებულ კანონთა პაკეტს. მეტიც, მას მიაჩნია, რომ ვეტოს დაძლევა პარლამენტის მხრიდან იყო სერიოზული შეცდომა. თუმცა, პრეზიდენტი ხელს არ მოაწერდა ვეტოდაძლეულ კანონს მხოლოდ იმ შემთხვევაში, თუ, მისი აზრით, ეს კანონი ან მისი რომელიმე ნორმა ეწინააღმდეგება რაიმე ბაზისურ, ფუნდამენტურ ღირებულებას. ამ შემთხვევაში ამასთან საქმე არ გვქონია",
შეგახსენებთ, კანონი ეროვნული ბანკიდან ზედამხედველობის სამსახურის გამოყოფასა და მის დამოუკიდებელ სააგენტოდ ჩამოყალიბებას ითვალისწინებს.