მცირე ხნის წინათ, გაზგამანაწილებელმა კომპანია "გასკო პლიუსმა" მიიღო გადაწყვეტილება სენაკის მუნიციპალიტეტში ბუნებრივი აირის ტარიფი 68 თეთრამდე გაზრდის შესახებ, რაც ყველაზე მაღალია ტარიფია მთელ საქართველოში, და, როგორც მოსალოდნელი იყო ამას მოსახლეობის მძაფრი უკმაყოფილება და პროტესტის ტალღა მოყვა.
ენერგეტიკის სამინისტრო აქვეყნებს საგანგებო განცხადებას , რომელშიც კომპანიის ეს გადაწყვეტილება შეფასებულია ,, როგორც მინიმუმ, უსამართლო''
,,ენერგეტიკის სამინისტრო სრულად იზიარებს მოსახლეობის განწყობას და შეშფოთებას იმ გადაწყვეტილების გამო, რომელიც გაზგამანაწილებელი კომპანია გასკო პლიუსმა მიიღო – ნათქვამია ენერგეტიკის სამინსიტროს მიერ გავრცელებულ განცხადებაში. – ეს არის მინიმუმ უსამართლო გადაწყვეტილება, ვინაიდან სახელმწიფო მთელი ამ წლების განმავლობაში და დღესაც მთელი მოსახლეობისთვის ინარჩუნებს სოციალურ ფასს გაზზე, გარე ფაქტორების და ბაზარზე არსებული ვითარების მიუხედავად ჩვენ ვახერხებთ იმას, რომ ეს შეღავათი – სოციალურ გაზზე მიიღოს თითოეულმა ოჯახმა.
სამინისტროს დაწყებული აქვს ამ საკითხზე მუშაობა, როგორც აქამდე არაერთხელ იქნა გაცხადებული, მიზანშეწონილად მიგვაჩნია ნაწილობრივი დერეგულირების პრაქტიკის გაუქმება და შესაბამისად, მოსახლეობისთვის ტარიფის დადგენა მარეგულირებელი კომისიის მიერ, ეს გადაწყვეტილება მომავალში გამორიცხავს მსგავს უსამართლო და მოსახლეობისთვის მოულოდნელ გადაწყვეტილებებს“, – ნათქვამია სამინისტროს განცხადებაში.
სენაკის მოსახლებისათვის გაზის ტარიფების გაზრდას გამოეხმაურა ენერგეტიკის მინისტრი კახი კალაძეც.
როგორც მინისტრმა განაცხადა, გუშინ მას მიმართა სენაკის მოსახლეობამ, რომელიც აღნიშნულის გამო აღშფოთებულებია – ,,გამოდის ვიღაც გაქსუებული კომპანიის ხელმძღვანელი, მენეჯერი და სენაკის მოსახლეობისთვის გაზის საფასურის გაზრდის გადაწყვეტილებებს იღებს, ამას აუცილებლად მოვიკითხავთ, ბოლომდე გავყვებით და შესაბამისად, კანონის ფარგლებში ყველას მოეთხოვება პასუხი“, – განაცხადა კალაძემ.