ავტოსაგზაო შემთხვევას ცენტრალურ ავტომაგისტრალზე მსხვერპლი მოჰყვა. დაღუპულია ხუთი ადამიანი. შემთხვევა მცირე ხნის წინ, გორის სიახლოვეს მოხდა. მიკროავტობუსში ისხდნენ თავისუფლების მოედანზე გამართული აქციის მონაწილეები, რომლებიც თბილისიდან ზუგდიდში ბრუნდებოდნენ. მათი ვინაობა დადგენილია,მაგრამ არ ხმაურდება იმის გამო, რომ ეს სამწუხარო ამბავი მათმა ოჯახებმა ჯერ არ იციან
თერთმეტი დაშავებული გორმედის კლინიკაშია გადაყვანილი. რამდენიმე მათგანის მდგომარეობა მძიმეა.
მიკროავტობუსს სატვირთო ავტომობილი უკნიდან შეეჯახა. დარტყმა იმდენად ძლიერი იყო, რომ ადამიანები ფანჯრებიდან გადმოცვივდნენ.
ავტოავარიის ადგილზე ამჟამად პოლიცია მუშაობს. მომხდარზე გამოძიება დაიწყო საქართველოს სისხლის სამართლის კოდექსის 276-ე მუხლის მერვე ნაწილით.