მატვეი განაპოლსკი: "სააკაშვილს საქართველოში ტრიუმფატორად დაბრუნება სურს"

რუსი ჟურნალისტის, მატვეი განაპოლსკის თქმით, ოდესის გუბერნატორად სააკაშვილის დანიშვნა ქართველებს აჩვენებს, რომ ის მოქმედი ლიდერია. განაპოლსკი აგრეთვე აღნიშნავს, რომ სააკაშვილს სამომავლო გეგმები საქართველოსთან მიმართებაში აქვს და არა უკრაინასთან. ,,ჩემი აზრით, ის თავის ცხოვრებას უკავშირებს საქართველოს, სადაც მას ტრიუმფატორად დაბრუნება სურს“, – აღნიშნა განაპოლსკიმ. ,,ოდესის გუბერნატორად სააკაშვილის დანიშვნა ქართველებს აჩვენებს, რომ ის მოქმედი ლიდერია. ის ისევ და ისევ შედის მდინარეში და ამბობს, რომ ყველაფერი გამოუვა და გამოუვა კიდეც. მას პრეზიდენტ პოროშენკომ მისცა უფლებამოსილება და შეუძლია თანამდებობიდან მოხსნას, ვინც უნდა. ის დაუჯერებელ ნაბიჯს დგამს და სახალხოდ უთანხმდება აშშ-ს ელჩ პაიეტს, რომ მისი ადმინისტრაციის ხარჯებს ამერიკელები გადაიხდიან. ეს ძალიან ჭკვიანურად გაკეთებულია. რა არის დასკვნა? უნდა თუ არა მას საქართველოში დაბრუნება? ვფიქრობ, უნდა. ბევრი ამბობს, რომ პრემიერმინისტრ იაცენიუკის ადგილი შეიძლება დაიკავოს. მე ასე არ ვფიქრობ. ჩემი აზრით, ის თავის ცხოვრებას უკავშირებს საქართველოს, სადაც მას ტრიუმფატორად დაბრუნება სურს. მას საქართველოში ტრიუმფატორად დაბრუნება შეუძლია, რადგან ის აჩვენებს, თუ როგორი რეფორმების გატარება შეუძლია და ამას სწორედ ახლა უკრაინაში გააკეთებს“, – აცხადებს განაპოლსკი. რუსი ჟურნალისტის თქმით, ოდესის გუბერნატორის პოსტზე სააკაშვილის ყოფნა მომგებიანია როგორც სააკაშვილისთვის, ისე უკრაინის პრეზიდენტისთვის „ოდესის ოლქის გუბერნატორის პოსტი როგორც სააკაშვილისთვის, ისე პოროშენკოსთვისაც მომგებიანია. პოროშენკოსთვის იმიტომ, რომ მას ოლქის გუბერნატორად სხვა ქვეყნის პრეზიდენტი ჰყავს და როგორც არ უნდა განვითარდეს მოვლენები, ეს მეხსიერებაში რჩება. მეორე უმნიშვნელოვანესი საკითხი პოროშენკოსთვის, ძალიან მნიშვნელოვანია რეფორმებში ჩართო ის ადამიანები, ვინც უკრაინის საშიშ კორუფციულ გარიგებებში არ მონაწილეობენ. სააკაშვილმა განაცხადა, რომ ოდესას შავი ზღვის დედაქალაქად აქცევს. შეხედეთ, რა გააკეთა მან ბათუმთან მიმართებაში. ის შავი ზღვის დედაქალაქია, მხოლოდ საქართველოს ტერიტორიაზე. სააკაშვილმა იცის ამის კეთება“, – აღნიშნავს რუსი ჟურნალისტი.

მატვეი განაპოლსკი: “სააკაშვილს საქართველოში ტრიუმფატორად დაბრუნება სურს”

სიახლეები

თბილისიდან ზუგდიდის, ჭიათურისა და ბაკურიანის მიმართულებით მგზავრობა 5 ლარით გაძვირდა

300 ეკლესია აღვადგინეთ და არცერთი არ იყო ივანიშვილის ფულით, როგორც მათ გაავრცელეს – სააკაშვილი

გელა ხასაია დაზარალებულის სტატუსის მქონე პირმა სხდომათა დარბაზში ვერ იცნო

კალასი: ვხედავთ, რომ საქართველოს მთავრობა არასწორი მიმართულებით დგამს ნაბიჯებს