ოპოზიციაში IPSOS-ის კვლევის შედეგებს ეხმაურებიან.
“ლელოს” ერთ-ერთი ლიდერი ბადრი ჯაფარიძე ამბობს, რომ ამ შედეგებში დღესქვეყანაში არსებული “ნევროზული” ვითარება ასახა.
ამის შესახებ მან”მთავარი არხის” ეთერში, გადაცემაში “მთავარი აქცენტები” ისაუბრა. ვფიქრობთ, რომ ეს კვლევა, რაც გამოქვეყნდა კიდევ ერთხელ ასახავს იმ ნევროზულ ვითარებას, რომელიც არის ქვეყანაში შექმნილი, მათ შორის COVID-19-ით და აქედან გამომდინარე კიდევ არის სხვა ფაქტორები, კერძოდ ადამიანები არ არინ გულწრფელი თავიანთ პასუხებში. ეს კვლევები ძალიან საინტერესოა, მნიშვნელოვანია, რომ ტენდენციები გვაჩვენოს. ჩემ საარჩევნო ოლქში, მაგალითად საბურთალოზე, ცალსახად გეტყვით, რომ მოსახლეობას საერთო გადაწყვეტილება მიღებული აქვს – ქართული ოცნების ხელისუფლებიდან გაშვება, – ამბობს ბადრი ჯაფარიძე
ბადრი ჯაფარიძე გადაცემაში ასევე ამბობს იმასაც, რომ “ლელოს” მხარდამჭერთა რიცხვი არჩევნების მოახლოებასთნ ერთად ძალიან სწრაფად იზრდება. დღეს გამოქვეყნებულ კვლევაში კი, კითხვაზე, ხვალ რომ საპარლამენტო არჩევნები იყოს, გამოკითხულთა 2.7% ლელოს მხარდაჭერას უცხადებს.
ევროპული საქართველოს საარჩევნო შტაბის ხელმძღვანელის სერგი კაპანაძის თქმით, IPSOS-ის ამ კვლევაში ჩანს, რომ ევროპული საქართველო სიდიდით მესამე პოლიტიკური ძალა იქნება და მას ექნება ორნიშნა მაჩვენებელი.
დეპუტატმა აღნიშნა, რომ ყველაზე მნიშვნელოვანი, რაც ამ კვლევით ჩანს, არის ის, რომ მოსახლეობის აბსოლიტური უმრავლესობა მხარს უჭერს ქართული ოცნების დამარცხებას.
“ჩვენ რეგულარულად ვაკეთებთ ჩვენს კვლევებასაც და ვაანალიზებთ სხვა კვლევებსაც, რომელიც ქვეყნდება. საბოლოო ჯამში, ყველა ამ კვლევის ანალიზის შედეგად, ცალსახა სურათი არის ჩვენთვის, რომ ჩვენ ვიქნებით სიდიდით მესამე პოლიტიკური ძალა და გვექნება ორნიშნა მაჩვენებელი. ეს არის ერთი, რაც ნამდვილად შემიძლია, რომ ვთქვა. მაგ კვლევის კონტექსტი უფრო მნიშვნელოვანია, ვიდრე ცალკეული ძალის პოლიტიკური რეიტინგი. მაგ კვლევაში რაც ჩანს, არის ის, რომ აბსოლუტური უმრავლესობა მხარს უჭერს ქართული ოცნების დამარცხებას და მოსახლეობის 60% თვლის, რომ ქართული ოცნება უნდა შეიცვალოს. ის, რომ ქართული ოცნებას აქვს 40%-ს ქვემოთ, ნიშნავს იმას, რომ მათი მარცხი გარდაუვალია, მით უმეტეს იმ ფონზე, რაც ხდება ქვეყანაში, რომ ერთადერთი კოზირი, რომელსაც იყენებდნენ, რომ თითქოს ისინი არიან მაგარი კრიზისმენეჯერები და პანდემია დაძლიეს, აღმოჩნდა ისეთივე მტკნარი სიცრუე, როგორც დაპირება — 5 მილიონი ყველა სოფელს. ყველაზე მთავარი რაც აქ ჩანს, არის ის, რომ ქართული ოცნება მარცხდება”, — განაცხადა კაპანაძემ.