ხანგრძლივი იძულებითი პაუზის შემდეგ ქვეყნის მასშტაბით ბავშვები დღეს საბავშვო ბაღებში წასვლას შეძლებენ. თუმცა კოვიდ – 19-ის შემთხვევების დაფიქსირების გამო სააღმზრდელო პროცესი ყველა ბაღში ვერ დაიწყება.
რაც შეეხება იმ საბავშო ბაღებს, რომლებიც დღეს გაიხსნა, მათ რეკომენდაციების დაცვა მოუწევთ. კერძოდ, მშობლებს შენობაში შესვლა ეკრძალებათ, მათ კართან აღმზრდელები დახვდებიან და შეაცილებენ შენობაში შესვლამდე, ასევე, ჩაუტარდებათ თერმოსკრინინგი და დეზინფექცია. თუ მათ ტემპერატურა დაუფიქსირდებათ, სპეციალურად გამოყოფილ ოთახში მოთავსდებიან, შემდეგ ეს ინფორმაცია ეცნობება მშობელს და 112-ს.
ქალაქ ზუგდიდის საბავშო ბაგა-ბაღის დირექტორები აცხადებენ, რომ მაქსიმალურად დაიცავენ ჯანდაცვის სამინისტროს მიერ დაწესებულ რეკომენდაციებს და მშობლებისგანაც იმავეს ელიან.