სახელმწიფო უსაფრთხოების სამსახურის ხელმძღვანელმა ვახტანგ გომელაურმა სუს-ის თანამშრომლის გია არდაზიშვილის დაკავების ფაქტი დაადასტურა. ამავე დროს მან უარყო, რომ დაკავებული, რომელმაც პარლამენტარ გივი თარგამაძის მიერ ადრე გავრცელებული ინფორმაციით საიდუმლო დოკუმენტაცია გაიტანა უწყებიდან და საოკუპაციო საზღვრის უკანონო გადაკვეთით გაიტანა საქართველოს ხელისუფლების მიერ კონტროლირებადი ტერიტორიიდან უცხო სახელმწიფოს სპეცსამსახურებისთვის გადასაცემად, ანალიტიკური სამსახურის ხელმძღვანელი პირი იყო.
გომელაურის განცხადებით არდაზიშვილს არ ჰქონდა, საიდუმლო ინფორმაციაზე წვდომა, რადგან სუს-ის რიგითი თანამშრომელი იყო და მუშაობდა ღია წყაროებზე, მათ მოკვლევასა და ანალიზზე ხელმძღვანელობისთვის წარსადგენად.
მისი თქმით, უწყების მიერ ეს ინფორმაცია ოფიციალურად არ დასტურებდა იმ მიზეზით, რომ საქმე ეხებოდა სპეცსამსახურის თანამშრომელს და, შესაბამისად, უწყების მუშაობის სპეციფიკას.
სახელმწიფო უსაფრთხოების სამსახურის უფროსის თქმით, არდაზიშვილი ოკუპირებული ტერიტორიიდან არავის გადმოუგდია, იგი ქართველმა სამართალდამცველებმა დააკავეს და მიმდინარეობს გამოძიება.
„, მას სისხლის სამართლის კოდექსის რამდენიმე მუხლი აქვს წაყენებული და დღესდღეობით დაკავებულია“ – განაცხადა ვახტანგ გომელაურმა