"როიტერის" ცნობით, 10 სამართალდამცველი დაიღუპა თურქეთში იგდირის პროვინციაში პოლიციის მანქანაზე ტერორისტების თავდასხმის შედეგად. ადგილობრივი სამართალდაცავი სტრუქტურების ინფორმაციით, თავდასხმა "ქურთების მუშათა პარტიის" წარმომადგენლებმა განახორციელეს.
თურქეთის მთავრობა ქურთების წინააღმდეგ ავიაიერიშებს განაგრძობს. ქვეყნის ხელისუფლებაში აცხადებენ, რომ სამხედრო ოპერაცია ქურთების წინააღმდეგ გაგრძელდება მანამ, ვიდრე დაჯგუფება თურქეთის ტერიტორიას არ დატოვებს და იარაღს არ დაყრის.