რეგიონული განვითარებისა და ინფრასტრუქტურის სამინისტროში ადასტურებენ, რომ დაწყებულია მსჯელობა გაყოფილი მუნიციპალიტეტების კვლავ გაერთიანებაზე, თუმცა გავრცელებულ განცხადებაში ნათქვამია, რომ ინიციატივა არ ეხება მერების და გამგებლების არჩევითობის საკითხს და "ის არ შეიძლება განხილული იყოს, როგორც თვითმმართველობის დამოუკიდებლობის შესუსტება."საპარლამენტო უმრავლესობაში კი განმარტავენ, რომ საქართველო რეფორმების გზით მიდის და ნებისმიერი გადაწყვეტილება ევროპულ სტანდარტებთან შესაბამისობაში იქნება.ზუგდიდისთვის, ოზურგეთისთვის, გორისთვის, თელავისთვის, ახალციხისთვის, მცხეთისთვის და ამბროლაურისთვის თვითმმართველი ქალაქის სტატუსის მოხსნის საკითხზე რეგიონული განვითარებისა და ინფრასტრუქტურის სამინისტრომ ინფორმაცია დაადასტურა. უწყებაში განმარტეს, რომ ამ ქალაქებისთვის თვითმმართველობის სტატუსის მინიჭებით შედეგების მიღწევა ვერ მოხერხდა.