სახელმწიფო უწყებებს სატელეფონო მომსახურებას კვლავ "მაგთიკომი" და "ჯეოსელი" გაუწევენ.

გადაწყვეტილება სატენდერო კომისიის წევრებმა მიიღეს. ინფორმაცია შესყიდვების სააგენტოს ვებგვერდზე გამოქვეყნდა. შესაბამისი ხელშეკრულებები 10 აპრილამდე უნდა გაფორმდეს.

კომპანიები მომსახურებას დაახლოებით 260 ათას აბონენტს, 2018 წლის 31 იანვრამდე გაუწევენ.

სახელმწიფო უწყებების მომსახურებაზე იანვარში გამოცხადებული პირველი ტენდერი, რომელშიც მხოლოდ "ბილაინი" მონაწილეობდა, ჩაშლილად გამოცხადდა. სატენდერო კომისიამ ჩათვალა, რომ კომპანია პირობებს არ აკმაყოფილებდა. განმეორებით ტენდერში "მაგთიკომისა" და "ჯეოსელის" განაცხადები დაფიქსირდა.