ზუგდიდის ინფექციურ საავადმყოფოში 20 სექტემბერს სამეგრელოს მასშტაბით გამოკვლეული 253 პირიდან კორონავირუსი 6 ადამიანს დაუდასტურდა. ინფორმაცია ჟურნალისტებს სამეგრელო-ზემო სვანეთის გუბერნიიდან აცნობეს. სამეგრელო-ზემო სვანეთის რეგიონის რწმუნებულის მოვალეობის შემსრულებლის, მალხაზ თორიას ინფორმაციით, ექვსი ინფიცირებულიდან სამი არის ფოთის მაცხოვრებელი და მათ კონტაქტი ჰქონდათ ბათუმთან. ასევე, ორი არის ოკუპირებული აფხაზეთის მაცხოვრებელი და ისინი საბერიოს კლასტერს მიეკუთვნებიან. ხოლო ერთი ქალბატონი სენაკის მკვიდრია, რომლის ინფიცირების წყარო დაუდგენელია, თუმცა მისი კონტაქტების წრე მცირეა და არცერთ მათგანს კორონავირუსი არ დაუდგინდა.
ამასთანავე, რეგიონის საკარანტინო სივრცეში 133 მოქალაქე იმყოფება, ხოლო რუხის კლინიკაში 44 პაციენტი მკურნალობს.