ზუგდიდის ინფექციურ საავადმყოფოში სამეგრელო-ზემო სვანეთის მასშტაბით გამოკვლეული 649 ნიმუშებიდან კორონავირუსის 6 შემთხვევა დადასტურდა. სამეგრელო-ზემო სვანეთის რეგიონის რწმუნებულის მოვალეობის შემსრულებლის, მალხაზ თორიას ინფორმაციით, 6 კოვიდინფიცირებული პაციენტიდან ოთხი ოკუპირებული აფხაზეთის, კერძოდ, გალის რაიონის სოფელ საბერიოს კლასტერია, ერთი სენაკში დადასტურებული კოვიდინფიცირებულის კონტაქტი, ხოლო ერთი შემთხვევა არის ბათუმში მცხოვრები მოქალაქის, რომელიც ზუგდიდში დროებით იმყოფებოდა.
ამასთანავე, სამეგრელო-ზემო სვანეთის რეგიონის მასშტაბით საკარანტინო სივრცეში განთავსებულია 139 მოქალაქე.