საქართველოში კორონავირუსის 45 ახალი შემთხვევა გამოვლინდა, შესაბამისად საერთო ჯამში ინფიცირებულთა რაოდენობა 1729-ს შეადგენს.
გამოჯანმრთელებულთა რაოდენობა 6-ით გაიზარდა და სულ 1321-ია.
გარდაიცვალა – 19 პაციენტი.
კარანტინის რეჟიმში – 5882, სტაციონარში მეთვალყურეობის ქვეშ – 390, უცხოეთიდან სამკურნალოდ გადმოყვანილია საქართველოს 41 მოქალაქე.თბილისის ინფექციური საავადმყოფოს სამედიცინო დირექტორის მარინა ეზუგბაიას განცხადებით, COVID-19-ის დღეს დადასტურებული 45 ახალი შემთხვევიდან 5 თბილისში ფართომასშტაბიანი ქორწილის ჯგუფურ შემთხვევას უკავშირდება.
ე.წ. დონას კლასტერს 3 ეკუთვნის, 19 შემთხვევა დადასტურებულ შემთხვევებთან კონტაქტია, ხოლო 12 შემთხვევა აჭარაში მოგზაურობის ისტორიას უკავშირდება.
მარინა ეზუგბაიამ ასევე აღნიშნა, რომ ახალი შემთხვევებიდან 4 “ავერსის” კლინიკის მედპერსონალს უკავშირდება.23 უკავშირდება აჭარას
“საინტერესოა, რომ 5 ჯგუფური შემთხვევა გვაქვს ამ 45-ში და ეს 5 ჯგუფური გახლავთ ფართომასშტაბიანი ქორწილიდან თბილისში,” – აღნიშნა მარინა ეზუგბაიამ.