თბილისში მიმდინარეობს საერთაშორისო კონფერენცია "ევროპის ახალი გეოპოლიტიკური ლანდშაფტი: უსაფრთხოება, ეკონომიკური შესაძლებლობები, თავისუფლება და ადამიანური ღირსება ფრონტისპირა ქვეყნებში", რომელიც ორ დღეს გასტანს.
საქართველოს ატლანტიკური საბჭოს ვიცეპრეზიდენტი ბათუ ქუთელიას განცხადებით, კონფერენციის ამოცანაა ევროპაში შექმნილ ახალ გეოპოლიტიკურ ლანდშაფტში საქართველოს სწორად პოზიცირება ყველა სტრატეგიული მიმართულებით, რომელიც ეხება ქვეყნის უსაფრთხოებას, ეკონომიკას, დემოკრატიული ინსტიტუტების მშენებლობას, მედიის თავისუფლებას, ადამიანის უფლებების, მთლიანად სახელმწიფოს მშენებლობას.
კონფერენცია დღეს დილით გაიხსნა და მასში მონაწილეობენ საქარტველოს და პარტნიორი ქვეყნების პოლიტიკისა და უსაფრთხოების სფეროს ლიდერები, მათ შორის აშშ-ის ევროპის არმიის სარდალი ბენ ჰოდჯესი, ლიტვის საგარეო საქმეთა მინისტრი ლინას ლინკევიჩუსილატვიის საგარეო საქმეთა მინისტრის მოადგილე ანდრეს პილდეგოვიჩი,ევროკავშირის ყოფილი კომისარი გაფართოებისა და ევროპის სამეზობლო პოლიტიკის საკითხებში შტეფან ფულე, გაერთიანებული სამეფოს ყოფილი ელჩი ლატვიაში იან ბონდი, იტალიის პრეზიდენტის ყოფილი საერთაშორისო მრჩეველი სტეფანო სტეფანინი, აშშ-ს ბრუკინგსის ინსტიტუტის მკვლევარი ლილია შევცოვა და სხვები.
კონფერენციას ესწრებიან საქართველოს პრეზიდენტი, პრემიერმინისტრი, პარლამენტის თავმჯდომარე, თავდაცვის მინისტრი, საქართველოს ეროვნული ბანკის პრეზიდენტი.
კონფერენციას მაკკეინის ინსტიტუტი საერთაშორისო ლიდერობისთვის და ეკონომიკური პოლიტიკის კვლევის ცენტრი (EPRC) მასპინძლობენ