ზუგდიდის მუნიციპალიტეტის სოფელ ტყაიაში მოხდა უბედური შემთხვევა, რომელსაც 6 წლის ბავშვი ემსხვერპლა. არსებული ინფორმაციით, შემთხვევა მოხდა საცხოვრებელი სახლის ეზოში, როცა დედა მანქანას აყენებდა.
მოზარდს ზუგდიდის რეფერალურ საავადმყოფოში ორი ოპერაცია ჩაუტარდა, თუმცა მისი გადარჩენა ვერ მოხერხდა.
სოფლის რწმუნებული ედემ კეკუტია ამბობს: რომ ქალს ეზოდან გაჰყავდა მანქანა, თუმცა არ ვიცი, დედა იჯდა საჭესთან თუ სხვა ვინმე. გამოძიება დაწყებულია. როგორც ვიცი, ჯერ არავინ დაუკავებიათ”,- აცხადებს სოფლის რწმუნებული.
შემთხვევა გუშინ მოხდა. ბავშვი ჯერ ზუგდიდის რეფერალურ ჰოსპიტალში მძიმე მდგომარეობაში შეიყვანეს, შემდეგ კი ქუთაისში გადაიყვანეს, თუმცა მედიკოსებმა მისი გადარჩენა ვერ შეძლეს. თავდაპირველად შს სამინისტრომ გამოძიება სსკ-ის 124-ე მუხლით დაიწყო, რაც გაუფრთხილებლობით ჯანმრთელობის დაზიანებას გულისხმობს, თუმცა გადაკვალიფიცირდება თუ არა აღნიშნული მუხლი, ჯერჯერობით უცნობია.