გენერალურ შეთანხმებას, რომ ბიძინა ივანიშვილიუნდა გავუშვათ ოპოზიციაში, აბსოლუტურად არაფერი ემუქრება. დღევანდელი შეხვედრა ამის ნათელი დადასტურებაა,- ამის შესახებ “ერთიანი საქართველოს” ერთ-ერთმა ლიდერმა ანზორ ბიწაძემ ჟურნალისტებს “ლეიბორიტული პარტიის” ოფისში ოპოზიციის შეხვედრამდე განუცხადა.
მისი განმარტებით, დღეს ოპიზიციის წევრები შეიკრიბნენ იმ მექანიზმის შესამუშავებლად, რომლის თანახმადაც, 2020 წლის საპარლამენტო არჩევნებმა მშვიდ გარემოში უნდა ჩაიაროს, არავის ხმა არ დაიკარგოს და “ქართულ ოცნებას” ხმით მანიპულირების საშუალება არ მისცენ. ბიწაძის თქმით,ამ პროცესიდან გამარჯვებული მაინც ოპოზიცია იქნება.
“დღეს შევიკრიბეთ იმისათვის, რომ ოპიზიციას შორის მოხდეს უფრო მეტი კოორდინაცია, შევიმუშავოთ ის კონკრეტული მექანიზმი, რომელიც საშუალებას მოგვცეს ყველამ ერთმანეთის ხმები დავიცვათ, პარტიული კუთვნილების მიუხედავად. რაც შეეხება კონკრეტულად ისნის მაჟორიტარულ ოლქს, მე დიდი იმედი მაქვს, რომ მეორე ტურში ოპოზიციიდან ორივე კანდიდატს ვიხილავთ “, – განაცხადა ბიწაძემ.
შეგახსენებთ, რომ ისანში „სტრატეგია აღმაშენებლის“ ლიდერი გიორგი ვაშაძე და „ნაცმოძრაობის“ წევრი ხატია დეკანოიძე იყრიან კენჭს.