საქართველოს პრემიერმინისტრის, გიორგი გახარიას ინფორმაციით, საბავშვო ბაღები და თეატრები 1-ლი ოქტომბრიდან, სკოლები და კინოთეატრები კი 15 სექტემბრიდან გაიხსნება.  

“კოვიდ 19-თან ბრძოლაში ვინარჩუნებთ თანმიმდევრულ მიდგომას და ეტაპობრივ ვხსნით: საბავშვო ბაღებს და თეატრებს 1-ლი ოქტომბრიდან, სკოლებს და კინოთეატრებს 15 სექტემბრიდან, დაბა მესტიას და ლენჯერს 2 სექტემბრიდან.” – დაწერა გახარიამ Facebook-ზე. 

1

ჯანდაცვის სამინისტროს შრომის პირობების ინსპექტირების დეპარტამენტის უფროსის, ბექა ფერაძის განმარტებით, მაყურებელი ნიღბებით უნდა იყოს. ასევე დამსწრეები დარბაზში თითო სკამის გამოტოვებით განთავსდებიან.

გარდა ამისა, თეატრის შემთხვევაში განისაზღვრა დარბაზში მაყურებლის შეშვების და თავად მისი სპექტაკლის ხანგრძლივობის ზედა ზღვარი.

“ეს იქნება სამი საათი, რაც მოიცავს მომხმარებლის როგორც შენობაში შესვლის, ისე მისი დატოვების პროცესს. ღონისძიება უნდა გაიმართოს უწყვეტად, ანტრაქტის გარეშე” – თქვა ფერაძემ.