უკრაინული ტელეარხ 24 -ის საიტზე გამოკითხვა ჩატარდა, სადაც გამოკითხულთა 57% უკრაინის პრემიერ-მინისტრის პოსტზე საქართველოს ყოფილი პრეზიდენტის მიხეილ სააკაშვილის ნახვა ისურვა. გამოკითხვის მიხედვით, მეორე ადგილზე უკრაინის ფინანსთა მინისტრი ნატალია იარენკო მოხვდა, მას გამოკითხულთა 13% -მა დაუჭირა მხარი. გამოკითხულთა 8% მიიჩნევს, რომ უკრაინის პრემიერ-მინისტრის პოსტზე იულია ტიმოშენკო უნდა დაბრუნდეს. რაც შეეხება ქვეყნის მოქმედ პრემიერ-მინისტრს – არსენი იაცენიუკს მხარი მხოლოდ 6% დაუჭირა. აღსანიშნავია, რომ მიხეილ სააკაშვილის უკრაინის პრემიერ-მინისტრად დანიშვნის მოთხოვნით პეტიცია ქვეყნის პრეზიდენტის პეტრო პოროშენკოს საიტზეც გამოჩნდა. ორი დღის განმავლობაში მოთხოვნას მხარი საჭირო 25 ათასი ხელმოწერიდან 2 ათას 700 დაუჭირა.