ბერტა ფონ ზუტნერის მშვიდობის პრემია 2020 – ჰუმანიტარული საქმიანობისთვის ნომინირებლნი არიან:
ხათუნა გარგულია, გალის რაიონის სოფელ საბერიოს ექიმი.
წარმდგენი: შპს ენგურჰესი / მშვიდობისა და სამოქალაქო განვითარების ცენტრი (CPCD)
🟣 იულია ხარაშვილი, დევნილ ქალთა ასოციაცია “თანხმობის” თავმჯდომარე.
წარმდგენი: მარინა ფოჩხუა
🟣 ციცინო ელიკაშვილი, გორის რაიონის სოფელ ზარდიანთკარში მცხოვრები კონფლიქტით დაზარალებული.
წარმდგენი: რუსუდან კილაძე
🟣 ეკატერინე მინჯორაია, დემოკრატიული ჩართულობის ცენტრის ზუგდიდის ოფისის (NCCE) ხელმძღვანელი.
წარმდგენი: ზუგდიდის ქალთა კლუბი
🟣 პაატა ზაქარეიშვილი, კონფლიქტოლოგი, ექსპერტი, შერიგებისა და სამოქალაქო თანასწორობის საკითხებში ყოფილი სახელმწიფო მინისტრი.
წარმდგენი: გიორგი კანაშვილი
🟣 ხათუნა გოგუა, არასამთავრობო ორგანიზაცია “აფხაზეთი ჩემის” თავმჯდომარე.
წარმდგენი: მარინა ზუხბაია
როგორც ორგანიზაციის მიერ გამოცხადებული კონკურსის პირობებში ვკითხულობთ, ბერტა ფონ ზუტნერის 2020 წლის მშვიდობის პრემიის მიზანია ხაზი გაუსვას ჰუმანიტარული საქმიანობის მნიშვნელობასა და ხელი შეუწყოს ამ პროცესში ჩართული ადამიანების ფართო საზოგადოებისთვის გაცნობას.
ბერტა ზუტნერი დღეს ცნობილია, როგორც ავსტრიელი საზოგადო მოღვაწე, პუბლიცისტი, ჟურნალისტი, მწერალი, მშვიდობის ნობელის პრემიის პირველი ლაურეატი ქალი, რომელიც ანტისემიტიზმის წინააღმდეგ და ქალთა უფლებებისთვის იბრძოდა.
ის პირველი ქალია, რომელმაც ნობელის პრემია მიიღო მშვიდობის დარგში.
გასულ წელს ბერტა ფონ ზუტნერის მშვიდობის პრემია საქართველოშიც დაფუძნდა, ამ პროექტის ფარგლებში ითარგმნა ქართულ ენაზე ბერტას რომანი „ძირს იარაღი!“.
1999 წელს ქართულ ენაზე გამოცემული ბერტა ფონ ზუტნერის მემუარები – „ქართველებთან და საქართველოში“ დაცულია საქართველოს ეროვნულ ბიბლიოთეკაში