"საგანგებოდ მინდა მივმართო ყველას, ვინც მზადაა, ფეხქვეშ გათელოს ჩვენი სახელმწიფოებრიობა და ჩვენი მოქალაქეების უფლებები – ისინი სახელმწიფოსგან უმკაცრეს პასუხს მიიღებენ", – განაცხადა გიორგი კვირიკაშვილმა ახლახან გამართულ საგანგებო ბრიფინგზე, რომელიც ბათუმში განვითარებულ მოვლენებს მიეძღვნა.
გიორგი კვირიკაშვილის განცხადებით, მოვლენების განვითარება ცხადყოფს, რომ ყოფითი შემთხვევა დესტრუქციულმა პოლიტიკურმა ძალებმა სიტუაციის ესკალაციისთვის გამოიყენეს. მისი თქმით, სახელმწიფო აუცილებლად უზრუნველყოფს წესრიგის დაცვას.