საპატრიარქოში დღეს გამართული სინოდის სხდომა დასრულდა.
სინოდის გადაწყვეტილებით, ჭყონდიდის მიტროპოლიტი პეტრე (ცაავა) საპატრიარქოს ტელევიზიის "ერთსულოვნების" ხელმძღვანელის თანამდებობიდან გათავისუფლდა. – ამის შესახებ ჟურნალისტებს რამდენიმე წუთის წინ განუცხადა თავად მეუფე პეტრემგანუცხადა.
მისივე განმარტებით, სინოდის დღევანდელ სხდომაზე მის მიერ გაკეთებული განცხადებების გამო უსაყვედურეს.
„მისაყვედურეს აქტიურობის გამო. სამწუხაროდ, ისე გამოვიდა, რომ მთავარი თემა იყო ჩემი საკითხი. მე ვფიქრობ, ეს მიკერძოებული იყო, მიმაჩნია, რომ არსებობს სხვა პრობლემები და ჩემი საკითხის დაყენება არ იყო მთავარი“, – განაცხადა მეუფე პეტრემ
მისივე თქმით, სინოდი თავად გააკეთებს ოფიციალურ განცხადებას დღევანდელ სხდომასთან დაკავშირებით და თავი შეიკავა უფრო ვრცელი პასუხისაგან ჟურნალისტების კითხვაზე იყო თუ არა ეს გაფრთხილება სინოდის მხრიდან. იგი შემოიფარგლა მოკლე, მაგრამ მრავლისმთქმელი კომენტარით- ,,მირჩევნია დავისაჯო სიმართლისათვის, ვიდრე ტყუილით გავიმარჯვო“