სეპარატისტული აფხაზეთის პარლამენტის დეპუტატი და ყოფილი საგარეო საქმეთა მინისტრი სერგეი შამბა მწუხარებით ეხმაურება გაეროში რუსეთის მუდმივი წარმომადგენლის ვიტალი ჩურკინის გარდაცვალებას.
,,ვიტალი ჩურკინის გარდაცვალების ამბავმა თავზარი დამცა -წერს იგი – ჩვენ დავკარგეთ დიდი და საიმედო მეგობარი, რომელსაც, როგორც არავის, შეეძლო და იცავდა კიდეც აფხაზი ხალხის ინტერესებს გაეროში. მას პრინციპული პოზიცია ჰქონდა იმ მოვლენების მიმართაც, რომელიც 2008 წლის აგვისტოში მოხდა ცხინვალშიც.
ვიტალი ჩურკინმა მტკიცე პროტესტი გამოთქვა, როცა უარი მითხრეს აშშ ვიზაზე და ამით ჩაშალეს ჩემი გამოსვლა გაეროში საქართველოსთან კონფლიქტის დარეგულირების საკითხზე.
მე უკვე მივუსამძიმრე რუსეთის საგარეო საქმეთა სამინისტროს ხელმძღვანელობას და სამძიმრის წერილსი აღვნიშნე, რომ ეს არის აუნაზღაურებელი დანაკლისი როგორც რუსული დიპლომატიისათვის , ისე ჩვენთვის. ვიტალი ჩურკინი იყო ძალიან კვალიფიციური და პრინციპული დიპლომატი, უაღრესად კომუნიკაბელური ადამიანი, რომელსაც პატივს სცემდნენ გაეროს დიპლომატიურ წრეებში'' – წერს სერგეი შამბა.