პატრიარქის დაცვის უფროსმა ილია მეორეს ვიდეომიმართვის გავრცელების საკითხზე პირველი კომენტარი „მოამბესთან“ გააკეთა. სოსო ოხანაშვილი კონკრეტულ პირებს ვერ ასახელებს, თუმცა აცხადებს, რომ პალატაში ვიდეომიმართვის ჩაწერის დროს, სასულიერო პირებთან ერთად საერო პირებიც იმყოფებოდნენ. ოხანაშვილი განმარტავს, რომ ილია მეორეს დეტალებზე მისი ჯანმრთელობის მდგომარეობის გამო ჯერ არ ესაუბრებიან. მისივე თქმით, პატრიარქი საქმით დაინტერესებულია და სამშობლოში დაბრუნების შემდეგ დეტალებში გაერკვევა. სოსო ოხანაშვილი გამოძიებასთან თანამშრომლობისათვის მზადყოფნას აცხადებს და საჭიროების შემთხვევაში საგამოძიებო უწყებაში დაკითხვაზე მისვლას გეგმავს.