რესპუბლიკელები: რუსთავი 2 ემუქრება საფრთხე და ბუნებრივია, ჩვენ მის გვერდით ვართ

 		სხვა პოლიტიკურ პარტიებთან ერთად, რუსთავი 2–ის მხარდამჭერ აქციაზე მედიის თავისუფლების დასაცავად იმყოფებიან რესპუბლიკური პარტიის წევრები. პარტიის თავმჯდომარემ, ჟურნალისტებს განუცხადა, რომ ის მუდამ იქ დგას, სადაც მედიას სჭირდება დაცვა: "ჩვენ ყოველთვის ვიცავდით იმას, რის გამოც დღეს აქ ვართ – ეს არის გამოხატვის თავისუფლება, მედიის თავისუფლება. დღეს რუსთავი 2–ია დასაცავი. რამდენიმე წლის წინ იმედი იყო დასაცავი და იქაც ვიყავით. საზოგადოებრივი მაუწყებელია დასაცავი და ყოველთვის მის გვერდით ვიქნებით. ზოგადად, უნდა შეწყდეს მედიაზე ხელისუფლების კონტროლი. დღეს არაკონტროლირებადი არის რუსთავი 2, მას ემუქრება საფრთხე და ბუნებრივია, ჩვენ მის გვერდით ვართ იმისთვის, რომ დამოუკიდებლობა შეინარჩუნოს და იარსებოს ისე, როგორც არსებობს". აქციაზე იმყოფება რესპუბლიკური პარტიის კიდევ ერთი წევრი თამარ კორძაია: "მე ამ შემთხვევაში ვიცავ გამოხატვის თავისუფლებას. დღეს ტვ იბერიაზე ვუყურე სიუჟეტს, სადაც იბერიის თანამშრომლები იხსენებდნენ, როგორ დახურეს ტელეკომპანია და დღეს მისი მესაკუთრე ამბობს, რომ დაცულია გამოხატვის თავისუფლება. მაშინ რუსთავი 2 თვლიდა, რომ დაცული იყო გამოხატვის თავისუფლება. მე აქ იმიტომ ვარ, რომ არ მინდა ჩემს ქვეყანაში ხელისუფლების ცვლილებაზე იყო დამოკიდებული კონკრეტული მედიასაშუალების გამოხატვის თავისუფლება იქნება თუ არა დაცული. ხელისუფლების ცვლილებებზე არ უნდა იყოს დამოკიდებული გამოხატვის თავისუფლება, ამიტომ ვარ აქ. მაშინ იბერიას ვიცავდით, დღეს რუსთავი 2–ს და ხვალ იმედს რომ გაუჭირდეს, მასაც დავიცავთ".

რესპუბლიკელები: რუსთავი 2 ემუქრება საფრთხე და ბუნებრივია, ჩვენ მის გვერდით ვართ

სიახლეები

ეროვნული ბანკის მმართველო საბჭოს წევრის, ნანა ყეინიშვილის წინააღმდეგ ახალი გამოძიება დაიწყო

ევროპარლამენტმა საქართველოს შესახებ კრიტიკული რეზოლუცია მიიღო

სეს-მა დიდუბის მეტროსთან მდებარე რამდენიმე საზოგადოებრივ კვების ობიექტს საწარმოო პროცესი შეუჩერა

პროპაგანდისტულმა „იმედმა“, „რუსთავი 2“-მა, POSTV-იმ და „მაესტრომ“ 2025 წელი ჯამში, 75.97 მილიონი ლარის ზარალით დაასრულეს