საქართველოს საპატრიარქოში მიმდინარე მოვლენებთან დაკავშირებით, პატრიარქის მდივან-რეფერენტმა შორენა თეთრუაშვილმა პირველი კომენტარი საზოგადოებრივ მაუწყებელთან გააკეთა. როგორც თეთრუაშვილმა „მოამბის“ ჟურნალისტს ბერლინში განუცხადა, საკითხები, რომლის შესახებაც მედიაშია საუბარი, მას „არ ეხება“.
"ხელისუფლების გარკვეული ჯგუფი შორენა თეთრუაშვილის ინტრიგაში, ნებსით თუ უნებლიეთ, ჩართულია", – ამის შესახებ ჭყონდიდის ეპარქიის მიტროპოლიტმა, მეუფე პეტრემ "რუსთავი 2"-ის ეთერში განაცხადა. მისი ინფორმაციით, თეთრუაშვილი დიდ უძრავ ქონებას ფლობს. "ქალბატონი, რომელიც არ არის ბიზნესმენი და არ არის ბიზნესმენის მეუღლე, არის ყველაზე დიდი უძრავი ქონების მქონე და ყველაზე მდიდარი. შორენა თეთრუაშვილი და მის გარემოცვაში მყოფი ადამიანები საპატრიარქოს ხარჯზე დიდ შემოსავალს იღებენ. საპატრიარქოს აქვს რესურსი, ჰქონდეს საკუთარი შემოსავალი, რაშიც ყოველთვის "უხილავი ხელი" უშლიდა და უშლის ხელს", – განაცხადა მიტროპოლიტმა.