მამა გიორგი მამალაძე მე-9 პენიტენციურ სისტემაში გადაიყვანეს. ინფორმაციას ამის შესახებ სასჯელაღსრულებისა და პრობაციის სამინისტროში ადასტურებენ.  როგორც სამინისტროში აცხადებენ, მაღალი იერარქიის სასულიერო პირის მოწამვლის მცდელობის საქმეზე ბრალდებული რუსთავის მე-6 დაწესებულებიდან ე.წ მატროსოვის ციხეშია გადაყვანილი. როგორც ცნობილია, დაკავებულ დეკანოზს გუშინ მაღალი ტემპერატურა აღენიშნებოდა, თუმცა როგორც დღეს სასჯელაღსრულებისა და პრობაციის სამინისტროში აცხადებენ, მამა გიორგი მამალაძის ჯანმრთელობის მდგომარეობა ამჟამად დამაკმაყოფილებელია და მასზე მეთვალყურეობას მუდმივად ექიმები ახორციელებენ.