ქორეპისკოპოსის მეუფე იაკობის განცხადებით, საქართველოს პატრიარქს პროფესიონალური დაცვა არ ჰყოლია.ამის შესახებ მეუფე იაკობმა ბერლინში, ჟურნალისტებს განუცხადა.მისივე ინფორმაციით, ამ დროისთვის უწმინდესის უსაფრთხოება დაცულია და „მას გარეშე ფაქტორებით არაფერი ემუქრება“. „დაცვა უნდა იყოს პროფესიონალური. ვთვლი, რომ პატრიარქს პროფესიონალური დაცვა არ ჰყავდა.
ჯერჯერობით, უწმინდესის უსაფრთხოება უკვე დაცულია, მას არ ემუქრება გარეშე ფაქტორებით რამე. უწმინდესი ჩამოსულია სამკურნალოდ და არ ვაპირებთ ისეთი რამის თქმას, რომ ნერვები მოეშალოს“,- განაცხადა მეუფე იაკობმა.ამასთან, როგორც მეუფემ აღნიშნა, პროკურატურის მიერ გავრცელებული განცხადება ეკელესიის იმიჯზე უარყოფითად არ იმოქმედებს.„არავითარ შემთხვევაში, ეკლესიაში კი არა , მსოფლიოში რა არ ხდება. თუ ჩვენი ბრალი იყო რამე შიგნით, ცოცხალი ორგანიზმია ეკლესია, თუ რამე ავადმყოფობა აქვს, ჩვენც ვუმკურნალებთ მაგას, ჩვენ არ გვეშინია საჯაროობის, ჰგონიათ, რომ ჩაკეტილი წრე ვართ. ჯერ უნდა წარადგინონ თუ აქვთ რამე დამამტკიცებელი მამა გიორგიზე, მე შეიძლება რაღაცები ვიცოდე, ჩემი არხებით. დაველოდოთ გამოძიებას“,- განაცხადა მეუფე იაკობმა.