ყინწვისის მონასტრიდან ვრცელდება ინფორმაცია სასულიერო პირებს შორის დაპირისპირების შესახებ. მონასტრის წინამძღვარმა, დავით აქიაშვილმა არქიმანდრიტ საბა ჟღენტს ცეცხლსასროლი იარაღიდან ესროლა და ხელში მსუბუქად დაჭრა.
წყაროს ცნობით, მამა დავითი მიტროპოლიტ იობის (აქიაშვილის) შვილობილია, რუის-ურბნისის ეპარქიაში განუსაზღვრელი უფლებებით სარგებლობს, იარაღით დადის და მისთვის შენიშვნის მიცემასაც კი ვერავინ ბედავდა. წყაროს თქმით, მხოლოდ არქიმანდრიტი საბა იყო, ვინც შენიშვნას და რჩევას აძლევდა, ამიტომ მათ შორის კონფლიქტი ადრეც მომხდარა. დაპირისპირების ყველა ადრინდელი ფაქტი „ჩაფარცხეს“ და არც ახლა აქვთ გამოძიების ბოლომდე მიყვანის იმედი.
ყინწვისის მონასტერში ინციდენტს უარყოფს მიტროპოლიტი იობი. თუმცა, ცნობილია, რომ შინაგან საქმეთა სამინისტრომ ფაქტზე გამოძიება სისხლის სამართლის კოდექსის 236-ე მუხლით დაიწყო, რაც იარაღის უკანონო შეძენა-შენახვა-ტარებას გულისხმობს