განათლების მინისტრის განცხადებით, მოსწავლეები ახალ სახელმძღვანელოებს წელს ვეღარ მიიღებენ.
პირველიდან მეშვიდე კლასამდე სახელმძღვანელოები, რომელიც წელს უნდა შეცვლილიყო, სავარაუდოდ აღარ დაიბეჭდება. – ამის შესახებ ალექსანდრე ჯეჯელავამ ,,ნიუპოსტთან'' საუბრისას განაცხადა,
სამინისტრო სახელმძღვანელობის გამოშვებას ერთი წლის გადავადებით ფიქრობს, რადგან კონსულტაციის შედეგად, გაირკვა რომ მომდევნო სასწავლო წლამდე სახელმძღვანელოების ნაწილის გამოცემა ვერ მოესწრება.
როგორც ჯეჯელავა განმარტავს, 2017 წლის სექტემბრისთვის წიგნების შედგენა მოხდება, თუმცა მასზე მუშაობა ერთი წლის განმავლობაში გაგრძელდება, ახალ წიგნებს მოსწავლეები 2018-2019 სასწავლო წლისთვის მიიღებენ.
ამასთან ჯეჯელავა განმარტავს, რომ სახელმძღვანელოებში გათვალისწინებული იქნება ისეთი საკითხები, როგორიცაა გენდერი, დემოკრატიული ღირებულებები, გარემოს დაცვის საკითხები.