უჩა ნანუაშვილს იმედი აქვს, რომ რუსთავი2-ის საქმე დადებითად გადაწყდება და თავისუფალ მედიას პრობლემა არ შეექმნება

"რუსთავი 2"-ის საქმის მიმდინარეობის დროს ხარვეზები ნამდვილად იყო სასამართლოში, იმედი მაქვს, რომ ხარვეზები, რომელიც რამდენჯერმე დაფიქსირდა, იქნება გამოსწორებული და საბოლოო გადაწყვეტილება იქნება ისეთი, რომ რეალურად, საქართველოში თავისუფალ მედიას პრობლემა არ შეექმნება, – ამის შესახებ საქართველოს სახალხო დამცველმა უჩა ნანუაშვილმა "რუსთავი 2"-ის საქმეზე კომენტირებისას განაცხადა. უჩა ნანუაშვილის განმარტებით, "რუსთავი 2"-ის საქმეზე ჩანდა, რომ სასამართლოს გადაწყვეტილებები, რიგ შემთხვევებში, არ იყო დასაბუთებული და ქმნიდა შთაბეჭდილებას, რომ კონკრეტული მხარის ინტერესებს გამოხატავდა. "ზოგადად, ის რომ სასამართლო სისტემაში არის პრობლემები, ამაზე ჩვენ ვსაუბრობთ და ამ მხრივ, გარკვეული გამოწვევები ნამდვილად არსებობს. "რუსთავი 2"-ის საქმესთან დაკავშირებით რამდენჯერმე ვთქვით, რომ იყო კონკრეტული საკითხები, სადაც ჩანდა რომ სასამართლო იყო ერთგვარად დაინტერესებული და შეიძლება ითქვას, რომ მათი გადაწყვეტილებები რიგ შემთხვევებში არ იყო დასაბუთებული, ქმნიდა შთაბეჭდილებას, რომ გარკვეულწილად, კონკრეტული მხარის ინტერესებს გამოხატავდა, ჩვენ უნდა ავიცილოთ ნებისმიერი ასეთი გადაწყვეტილება, რომელიც საბოლოო ჯამში დასრულდება ისე, რომ საზოგადოებას კვლავ დარჩება კითხვის ნიშნები სასამართლოს მიუმხრობლობასთან დაკავშირებით", – განაცხადა უჩა ნანუაშვილმა.

უჩა ნანუაშვილს იმედი აქვს, რომ რუსთავი2-ის საქმე დადებითად გადაწყდება და თავისუფალ მედიას პრობლემა არ შეექმნება

სიახლეები

მოცვისა და თხილის მეურნეობების გამოწვევები – როგორ ჭრის ამ პრობლემებს Atens-ის ბიოპროდუქტები

NGO-ები-წლებია, წამებას და არასათანადო მოპყრობას სახელმწიფო პოლიტიკურ იარაღად იყენებს

კორუფცია ხელისუფლების ზედა ეშელონებში აღმოფხვრილი და დამარცხებულია – კობახიძე

საიამ სტრასბურგში ამაღლობელის პოლიტიკური ბრალდების საქმეზე საჩივარი წარადგინა