აბაშიძე-კარასინის მორიგი შეხვედრის შემდეგ ცნობილი ხდება, რომ საქართველო-რუსეთს შორის შვეიცარიის დახმარებით სატრანსპორტო დერეფნების ამოქმედება იგეგმება.
პრემიერ-მინისტრის სპეციალურმა წარმომადგენელმა რუსეთთან ურთიერთობის საკითხებში სატელეფონო საუბრისას განაცხადა, რომ მარტის დასაწყისში თბილისი უკვე უმასპინძლებს შვეიცარიელ სპეციალისტებს და სწორედ მათთან ერთად მოხდება ტექნიკური დეტალების შეთანხმება. ის, თუ სად უნდა იქნას განთავსებული საბაჟო პუნქტები.
ზურაბ აბაშიძემ ისიც აღნიშნა, რომ რუსული მხარე არის დაინტერესებული, რომ მაქსიმალურად მოკლე ვადაში ამოქმედდეს 2011 წელს ხელმოწერილი შეთანხება, რომლის შემდეგადაც რუსეთი შევიდა საერთაშორისო სავაჭრო ორგანიზაციაში.
„ბატონმა კარასინმა დაადასტურა, რომ რუსეთის მხარეს მიღებული აქვს პრინციპული გადაწყვეტილება ხელშეკრულების პირობების შესრულების თაობაზე, მაგრამ დაველოდოთ შვეიცარიელ ექსპერტებს, რათა ის დეტალები მათთან ერთად შევათანხმოთ და ამის შემდეგ უკვე გადავიდეთ იმპლემენტაციის ეტაპზე. გუშინ მე შემექმნა ისეთი განცდა, რომ რუსეთს მხარე იქით იხრება, რომ შეთანხმება მაინც შედგეს და განხორციელდეს,“ – განაცხადა ზურაბ აბაშიძემ.