ამ წუთებში პრეზიდენტი "საზოგადოებრივი მაუწყებლის" სამეურვეო საბჭოს წევრებს ხვდება.- ცნობას ამის შესახებ პრეზიდენტის ადმინისტრაციის პრესსამსახური აქვეყნებს.
გიორგი მარგველაშვილი და ბორდის წევრები "საზოგადოებრივ მაუწყებელში" განვითარებულ მოვლენებს განიხილავენ.
სიტუაცია ,,საზოგადოებრივი მაუწყებლის'' ირგვლივ სულ უფრო იძაბება, საზოგადოება და ოპოზიცია ამ სიტუაციას განიხილავს ქვეყანაში მიმდინარე იმ სხვა პროცესებთან კონტექსტში, რომელიც ფაქტობრივად დემოკრატიული ინსტიტუტების ჩამოშლისკენ არის მიმართული – ფაქტობრივად, უზურპირებულია აღმასრულებელი ხელისუფლება, საკანონმდებლო ხელისუფლება, სასამართლო ხელისუფლების ყველა შტო, და მმართველ პარტიას ახლა მეოთხე ხელისუფლებაზე მიაქვს ბოლო იერიში.
მხოლოდ გამოუსწორებელ ოპტიმისტს შეიძლება სჯეროდეს, რომ პრეზიდენტი შეძლებს რეალურად აამოქმედოს მედიის დაცვის ბერკეტები, რომელიც მას კანონიერად აქვს, მაგრამ შექმნილ ვითარებაში ძალადაკარგულია, თუნდაც იმიტომ, რომ პრეზიდენტის ინსტიტუტს თავად ვერ დაუცავს თავი მმართველი პარტიისა და ოლიგარქის შეტევისაგან.