თბილისის საქალაქო სასამართლოს ყოფილი თავმჯდომარე მამუკა ახვლედიანი, სასამართლოში წულუკიანის და საპარლამენტო უმრავლესობის წარმომადგენლების წინააღმდეგ სარჩელის შეტანას გეგმავს.
მამუკა ახვლედიანის თქმით, საჯარო პროცესზე ის დაამტკიცებს, რომ ქონება, რომელზეც მის მიმართ ბრალდებები ისმის, საბანკო სესხით აქვს შეძენილი.
საქალაქო სასამართლოს ყოფილი თავმჯდომარე საჯაროდ ბოდიშის მოხდას და თითოეული ადამიანისგან 100 ათას ლარიანი კომპენსაციის გადახდას მოითხოვს, რომელიც მისი თქმით, იურიდიული ფაკულტეტის სტუდენტებს ჩაერიცხებათ.
„მინდა ეს თანხები მთლიანად გადაერიცხოს იურიდიულ ფაკულტეტს, რომ მსგავსი იურისტები ამ ქვეყანაში მეორედ აღარ გაიზარდონ,“ – აცხადებს მამუკა ახვლედიანი.