დღეს ფოთის მერიასთან აღმაშენებლის ქუჩაზე მდებარე სამი კორპუსის მობინადრეებმა საპროტესტო აქცია მოაწყვეს.
მათი თქმით, კორპუსების რეაბილიტაცია 2013 წლის შემოდგომაზე დაიწყო და რამდენიმე თვეში უნდა დასრულებულიყო, თუმცა სამუშაოები ამ დრომდე არ დასრულებულა.
აქციის მონაწილეები უხარისხოდ შესრულებულ სამუშაოებზეც საუბრობენ.
მათი თქმით, ყოველი წვიმის დროს მათ სახლებში წყალი ჩადის.
მობინადრეები ხელისუფლებისგან დროულ რეაგირებას ითხოვენ.