”ნაციონალური მოძრაობის” პოლიტსაბჭოს თავმჯდომარე ნიკა მელია #9 სასჯელაღსრულების დაწესებულებაში, ვანო მერაბიშვილთან შესახვედრად შევიდა.
სასჯელაღსრულების დაწესებულებაში შესვლამდე ნიკა მელიას კომენტარი არ გაუკეთებია, თუმცა წინა დღეებში მან არაერთხელ განაცხადა, რომ მართალია, ვანო მერაბიშვილი პოლიტპატიმარია და ივანიშვილმა ოთხ კედელში გამოკეტა, მაგრამ უამრავი საშუალება არსებობს, რომ პარტიის გენერალურმა მდივანმა თავისი სათქმელი თქვას პარტიაში მიმდინარე პროცესებზეც და იმაზეც, დარჩება თუ არა პარტიის გენმდივნის თანამდებობაზე. .''
შეგახსენებთ, ნაციონალური მოძრაობის ყრილობაზე არ მომხდარა გენერალური მდივნის არჩევა, რადგან ვანო მერაბიშვილს არ გაუკეთებია განცხადება პარტიის დატოვების შესახებ და ოფიციალურად ამ პოსტსაც ინარჩუნებს.
დღევანდელი შეხვედრის შემდეგ გაირკვევა, გახდება თუ არა ვაკანტური ნაციონალურ მოძრაობაში გენერალური მდივნის თანამდებობა.
ენმ-ში არ გამორიცხავენ, რომ თუკი მერაბიშვილი ამ თანამდებობაზე უარს იტყვის, პარტიაში გენმდივნის პოსტი საერთოდ გაუქმდეს.