მიხეილ სააკაშვილი თავის ფეისბუქგვერდზე ნაციონალური მოძრაობის ყრილობას ეხმაურება.
,,ვაშინგტონიდან, სადაც პრეზიდენტ ტრამპის ინაუგურაციაზე ვიმყოფებოდი, სკაიპით მივმართე საქართვლოს ერთიანი ნაციონალური მოძრაობის ყრილობის ათასობით დელეგატს. ყრილობას ყოველმხრივ წინააღმდეგობას უწევდა პრორუსი ოლიგარქი ივანიშვილი, მაგრამ არათუ ვერ შეძლო საქართველოში ამ ერთადერთი ოპოზიციური პარტიის დაშლა, არამედ, როგორც ყრილობამ დაადასტურა, კიდევ უფრო შეამჭიდროვა და დარაზმა იგი. ჩემს მიერ დაფუძნებულმა პარტიამ აირჩია ლიდერთა ახალი ჯგუფი, რომელსაც მთლიანად ვუჭერ მხარს. ჩვენ შევქმნით ასეთივე ძლიერ პოლიტიკურ ძალას უკრაინაში, რომელიც ხელისუფლებიდან მოაშორებს ბარიგებს და მთლიანად შეცვლის ქვეყანას თითოეული მისი მოქალაქის საკეთილდღეოდ'' – წერს მიხეილ სააკაშვილი
საქართველოს ექსპრეზიდენტი ასევე მადლობას უხდის ყრილობის მონაწილეებს და მხარდამჭერებს
,,დიდი მადლობა დღევანდელ ყრილობაზე დამსწრე თითოეულ აქტივისტსა და ყველას ვინც ამ ყრილობის ორგანიზებაში მონაწილეობა მიიღო.
დღეს ერთიანი ნაციონალური მოძრაობის სულისკვეთება ძლიერია, როგორც არასდროს.
ჩვენ ერთად ყველაფერი გამოგვივა!
დღეს ხალხმა დაიბრუნა ნაციონალური მოძრაობა,მალე ხალხი დაიბრუნებს საკუთარ ქვეყანას.''