ყრილობის გადაწყვეტილებით ნაციონალური მოძრაობის თავმჯდომარის პოსტი ვაკანტური იქნება მანამ , სანამ მიხეილ სააკაშვილს არ მიეცემა საქართველოში დაბრუნებისა და პარტიის საქმიანობის ადგილზე გაძღოლის შესაძლებლობა.
რაც შეეხება პოლისაბჭოს ახალ შემადგენლობას და მის ხელმძღვანელ ბირთვს : ყრილობის გადაწყვეტილებით ნაციონალური მოძრაობის პოლიტსაბჭოს თავმჯდომარე ნიკა მელია იქნება, მისი მოადგილეები – ზაზა ბიბილაშვილი და ლევან ვარშალომიძე.
ყრილობაზე არჩეული პარტიის ახალი ხელმძღვანელობა, პოლიტსაბჭოს ახალი შემადგენლობა არის მკაფიო პასუხი პარტიის რიგით მხარდამჭერებში არსებულ განწყობებზე, სახელდობრ, შიშზე, შეძლებს თუ არა ,, ნაციონალური მოძრაობა'' დაძლიოს საქართველოს პოლიტიკურ ( არა მხოლოდ) ცხოვრებაში ფესვგადგმული სენი – სკამებისათვის ბრძოლა შიდაპარტიულ სტრუქტურებში სხვადასხვა დონეზე ახლად არჩეულ პოლიტსაბჭოში – შევიდნენ ადამიანები, რომელთაც გაუძლეს ყველა გამოცდას,რაც პირველ რიგში პარტიის შიგნით ბოლ დოს განვითარებულ პროცესებსაც გულისხმობს.
ახლა ჯერი ადგილობრივ ორგანიზაციებზეა.
"მინდა გთხოვოთ დელეგატებს! კინწისკვრით გააგდეთ მოძრაობიდან ის ადამიანი, ვისაც შეამჩნევთ სურვილს იდაყვებით იმუშაოს თანამდებობის დაკავებისთვის პარტიაში, ან შემდეგ ხელისუფლებაში. განგრენა უნდა მოიკვეთოს დასაწყისში"- ამ სიტყვებით მიმართა სპორტის სასახლეში მიმდინარე ყრილობაზე "ენმ"-ს დელეგატებს საგარეო საქემთა ყოფილმა მინისტრმა გრიგოლ ვაშაძემ.